ఉమ్మడి కరీంనగర్‌లో చోరీలు.. అంతర్రాష్ట్ర ముఠాలపై అనుమానం

ఉమ్మడి కరీంనగర్‌ జిల్లాలో వరుస చోరీల వెనుక అంతర్రాష్ట్ర ముఠాలు ఉండవచ్చని పోలీసులు అనుమానిస్తున్నారు. ఇటీవల ఎన్టీపీసీలో మహిళ గొలుసు అపహరణ, దుర్శేడు, తిమ్మాపూర్‌లో ఏటీఎం చోరీలు జరిగాయి. నిందితులు రైలు, రోడ్డు మార్గాల్లో రాష్ట్ర సరిహద్దులు దాటుతున్నట్లు భావిస్తున్నారు. బ్యాంకులు, ఏటీఎంల వద్ద సీసీ కెమెరాలు, అత్యవసర అలారాలు, భద్రత సిబ్బందిని ఏర్పాటు చేసుకోవాలని పోలీసులు సూచిస్తున్నారు.