పట్టభద్రుల ఓటరు నమోదుకు నవంబర్ 6 గడువు

అర్హులైన పట్టభద్రులందరూ నవంబర్ 6లోగా ఫారం-18 ద్వారా ఓటరుగా నమోదు చేసుకోవాలని భద్రాద్రి కొత్తగూడెం జిల్లా కలెక్టర్ అంకిత్ సూచించారు. కళాశాలల ప్రిన్సిపాళ్లతో నిర్వహించిన సమీక్షలో నమోదు ప్రక్రియను పరిశీలించారు. ప్రతి కళాశాలలో నోడల్ అధికారిని నియమించి, అర్హులైన ప్రస్తుత, పూర్వ విద్యార్థులు, సిబ్బందికి అవగాహన కల్పించాలని ఆదేశించారు. నమోదు పురోగతిని ఎన్నికల విభాగంతో సమన్వయం చేసుకోవాలని సూచించారు.