31 ఏళ్ల తర్వాత కలుసుకున్న పూర్వ విద్యార్థులు

బేతంచెర్ల మండలం సిమెంట్ నగర్‌లోని పాణ్యం సిమెంట్ హైస్కూల్‌లో 1994–95 పదో తరగతి పూర్వ విద్యార్థుల సమ్మేళనం నిర్వహించారు. సుమారు 31 ఏళ్ల తర్వాత కలుసుకున్న విద్యార్థులు ఉపాధ్యాయులు, పాత మిత్రులను ఆత్మీయంగా పలకరించుకున్నారు. పాఠశాల రోజుల జ్ఞాపకాలను నెమరువేసుకుంటూ ఒకరి యోగక్షేమాలను మరొకరు తెలుసుకున్నారు. అనంతరం తమకు విద్యాబుద్ధులు నేర్పిన ఉపాధ్యాయులను సత్కరించారు.