మోపాల్ శివారులో చిరుత సంచారం భయాందోళనలో ప్రజలు

మోపాల్ మండల శివారులో చిరుత సంచారం కలకలం రేపింది. రాత్రివేళల్లో బయటకు వెళ్లాలంటేనే ప్రజలు భయాందోళనలకు గురవుతున్నారు. గ్రామస్తులు తెలిపిన వివరాల ప్రకారం మోపాల్ తండా నుంచి కాల్పోల్ వెళ్లే దారిలో శుక్రవారం కొందరికి చిరుత కనిపించింది. దీంతో భయాందోళనలకు గురైన వారు వెంటనే సమీప గ్రామాల ప్రజలకు అలర్ట్ చేశారు. శనివారం ఉదయం అటవీశాఖ అధికారులకు సమాచారం అందించారు.