మెట్రో నెట్‌వర్క్ 1,200 కి.మీ.లకు విస్తరణ: మోదీ

2014లో భారత్‌లోని 5 నగరాల్లో 248 కి.మీ. మేర మెట్రో మార్గాలు ఉండగా, ప్రస్తుతం 26 నగరాల్లో దాదాపు 1,200 కి.మీ.లకు విస్తరించాయని ప్రధాని మోదీ తెలిపారు. రోజూ కోటి మందికి పైగా మెట్రోలో ప్రయాణిస్తున్నారని పేర్కొన్నారు. మెట్రో విస్తరణతో ట్రాఫిక్‌లో సమయం ఆదా అవుతోందని, కుటుంబంతో గడిపే సమయం, ఉత్పాదకత పెరుగుతున్నాయని మోదీ అన్నారు. పట్టణ ప్రాంతాల అభివృద్ధికి ఈ మార్పు దోహదపడుతోందని పేర్కొన్నారు.