ప్రభుత్వ జూనియర్ కళాశాల ఏర్పాటు చేయాలని ఏఐవైఎఫ్ ఆధ్వర్యంలో నిరసన

అమరచింత మండల కేంద్రంలో ప్రభుత్వ జూనియర్ కళాశాల ఏర్పాటు చేయాలని హై స్కూల్ విద్యార్థులతో కలిసి ఏఐవైఎఫ్ జిల్లా కార్యదర్శి ఎం.డి.కుతుబ్ నిరసన కార్యక్రమం చేపట్టారు. గతంలో మంత్రి వాకిటి శ్రీహరి కళాశాలపై హామీ ఇచ్చారని కానీ ఇప్పటివరకు జూనియర్ కళాశాల ఏర్పాటు చేయలేదన్నారు. మంత్రిగారు వెంటనే స్పందించి జూనియర్ కళాశాల ఏర్పాటు చేయాలని డిమాండ్ చేశారు. ఈ కార్యక్రమంలో ఏఐవైఎఫ్ నాయకులు, విద్యార్థులు పాల్గొన్నారు.