పోలీసులకు సహకరించాలని డీఎస్పీ సూచన

రానున్న స్థానిక సంస్థల ఎన్నికలు ప్రశాంతంగా జరిగేలా పోలీసులకు ప్రజల సహకారం అవసరమని డీఎస్పీ వెంకటనారాయణ సూచించారు. తవణంపల్లి మండలం నరసింహనపల్లెలో శుక్రవారం రాత్రి నిర్వహించిన పల్లెనిద్ర కార్యక్రమంలో ఆయన పాల్గొన్నారు. ప్రజలకు చేరువ కావడంతో పాటు పలు అంశాలపై అవగాహన కల్పించేందుకు పల్లెనిద్ర కార్యక్రమం చేపడుతున్నట్లు తెలిపారు. సైబర్ నేరాలు, మహిళా భద్రత, ట్రాఫిక్ నియమాలపై ప్రజలకు అవగాహన కల్పించారు.