ఫార్ములా ఈ-రేసింగ్ కేసు విచారణకు KTR గైర్హాజరు

ఫార్ములా ఈ-రేసింగ్ కేసుపై నాంపల్లి ప్రజాప్రతినిధుల కోర్టులో ఇవాళ విచారణ జరిగింది. నిందితులుగా ఉన్న IAS అధికారి అరవింద్ కుమార్ (A2), BLN రెడ్డి (A3), కిరణ్ మల్లేశ్వర్ రావు (A4) వ్యక్తిగతంగా హాజరయ్యారు. మాజీ మంత్రి కేటీఆర్ (A1) వ్యక్తిగత కారణాలతో హాజరుకాలేదు. ఆయన తరఫు న్యాయవాది దాఖలు చేసిన ఆబ్సెంట్ పిటిషన్‌కు కోర్టు అనుమతించింది. తదుపరి విచారణను డిసెంబర్ 4కు వాయిదా వేసింది.