నీట్‌ పరీక్షలో భారీ మార్పులు: సీబీటీకి ఎన్‌టీఏ సన్నాహాలు

దేశవ్యాప్తంగా వైద్య విద్య ప్రవేశాల కోసం నిర్వహించే నీట్-యూజీ పరీక్షను త్వరలో కంప్యూటర్ ఆధారిత విధానంలోకి (సీబీటీ) మార్చనున్నట్లు జాతీయ పరీక్షల సంస్థ (ఎన్‌టీఏ) డీజీ అభిషేక్ సింగ్ వెల్లడించారు. పరీక్షల్లో అక్రమాలను అరికట్టేందుకు బయోమెట్రిక్ ధ్రువీకరణ, ముఖ గుర్తింపు (ఫేస్ ఆథెంటికేషన్) వంటి సాంకేతికతలను ఉపయోగిస్తున్నామని ఆయన పేర్కొన్నారు.