చిల్లర వాగ్వాదం.. వైన్‌షాప్‌ వద్ద వ్యక్తి మృతి

హైదరాబాద్‌ అత్తాపూర్‌లో చిల్లర డబ్బుల విషయంలో జరిగిన ఘర్షణలో నాగరాజు (45) మృతి చెందాడు. పిల్లర్‌ నంబర్‌ 140 సమీపంలోని వైన్‌షాప్‌ వద్ద మద్యం కొనుగోలు చేసేందుకు వచ్చిన అతడికి సిబ్బందితో వాగ్వాదం జరిగినట్లు సమాచారం. ఈ క్రమంలో సిబ్బంది దాడి చేయడంతో గుండె భాగంలో తీవ్ర గాయాలై కుప్పకూలాడు. వెంటనే ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు.