లక్ష్మీనరసింహపురంలో తాగునీటి కష్టాలు

ఉప్పలపాడు గ్రామ పంచాయతీ పరిధిలోని లక్ష్మీనరసింహపురంలో వారం రోజులుగా తాగునీటి సరఫరా సక్రమంగా లేక ప్రజలు ఇబ్బందులు పడుతున్నారు. పండుగ వేళ నీరు అందక మహిళలు, కుటుంబ సభ్యులు అవస్థలు ఎదుర్కొంటున్నారు. నీటి సరఫరా పునరుద్ధరిస్తామని అధికారులు హామీ ఇస్తున్నా సమస్య పరిష్కారం కావడం లేదని గ్రామస్థులు ఆవేదన వ్యక్తం చేస్తున్నారు. అధికారులు వెంటనే స్పందించి తాగునీటి సరఫరాను పునరుద్ధరించాలని కోరుతున్నారు.