లేపాక్షిలో తీరనున్న తాగునీటి కష్టాలు

లేపాక్షి పంచాయతీ నిధులతో పాత లేపాక్షిలో తాగునీటి సమస్య పరిష్కారానికి నూతన పైప్‌లైన్‌ ఏర్పాటు పనులు ప్రారంభించారు. లేపాక్షి పెద్ద చెరువు నుంచి పాత లేపాక్షి వరకు పైప్‌లైన్‌ ఏర్పాటు చేస్తున్నట్లు కార్యదర్శి సావిత్రి తెలిపారు. కొత్త పైప్‌లైన్‌ ఏర్పాటుతో ఒకటి, రెండు రోజుల్లో నీటి సమస్య తీరుతుందని ఆమె పేర్కొన్నారు. కార్యక్రమంలో టీడీపీ జిల్లా అధికార ప్రతినిధి ఆనంద్‌కుమార్‌ తదితరులు పాల్గొన్నారు.