ఇంటి వెనుక ఖాళీ స్థలంలో నవజాత శిశువు లభ్యం

మెదక్ జిల్లా పాపన్నపేట మండలం పొడ్చన్‌పల్లి తండాలో శనివారం ఓ ఇంటి వెనుక నవజాత మగ శిశువు లభ్యమయ్యాడు. గుర్తుతెలియని వ్యక్తులు శిశువును ఖాళీ స్థలంలో వదిలివెళ్లారు. స్థానికులు గమనించి పోలీసులకు, శిశు సంక్షేమ శాఖ అధికారులకు సమాచారం ఇచ్చారు. అధికారులు శిశువును మెదక్ మాతాశిశు సంరక్షణ కేంద్రానికి తరలించారు. అక్కడి నుంచి హైదరాబాద్ నిలోఫర్ ఆసుపత్రికి పంపించారు.