ఎంపీటీసీ ఓటర్ల జాబితాలు రేపే

పత్తికొండ మండల పరిషత్ ప్రాదేశిక నియోజకవర్గాల (ఎంపీటీసీ) ఎన్నికలకు సంబంధించిన తుది ఓటర్ల జాబితాలను శుక్రవారం మండల పరిషత్ కార్యాలయంలో ప్రచురించనున్నారు. అన్ని ఎంపీటీసీ నియోజకవర్గాల ఫొటో ఓటర్ల జాబితాలు కార్యాలయంలో అందుబాటులో ఉంటాయని అధికారులు తెలిపారు. ఓటర్లు తమ పేరు, ఇతర వివరాలను పరిశీలించుకోవాలని సూచించారు. సందేహాలుంటే అధికారులను సంప్రదించవచ్చని ఎంపీడీవో కార్యాలయం పేర్కొంది.