బీహార్‌లో వరదలకు కుప్పకూలిన రోడ్డు

బీహార్‌లోని పశ్చిమ చంపారన్ జిల్లా బగహా వద్ద గండక్ నది రికార్డు స్థాయిలో ఉధృతంగా ప్రవహిస్తోంది. నేపాల్ నుంచి భారీగా వరద నీరు రావడంతో ప్రధాన రహదారి కొట్టుకుపోయి మంగళ్‌పూర్, గహిరి గ్రామాల మధ్య రాకపోకలు నిలిచిపోయాయి. కరకట్టలు తెగిపోవడంతో డజన్ల కొద్దీ గ్రామాలు, వాల్మీకి టైగర్ రిజర్వ్‌లోకి వరద నీరు చేరింది. ప్రజలను సురక్షిత ప్రాంతాలకు తరలించేందుకు అధికారులు చర్యలు చేపడుతున్నారు.