భర్త కష్టాన్ని చూసి మోపెడ్‌ కొనివ్వాలని నిర్ణయించిన భార్య

ఖమ్మం జిల్లా వైరాలో టీ విక్రయిస్తూ జీవనం సాగిస్తున్న భర్త విజయారావుకు మోపెడ్‌ కొనివ్వాలని భార్య విజయ నిర్ణయించుకుంది. నారపనేనిపల్లికి చెందిన ఈ దంపతులు వైరా మున్సిపల్‌ కార్యాలయం ఎదుట చిన్న టీ స్టాల్‌ నిర్వహిస్తున్నారు. విజయారావు టీ తయారుచేసి కాలినడకన దుకాణాలకు వెళ్లి విక్రయిస్తుంటారు. ఆయన కష్టాన్ని తగ్గించేందుకు మోపెడ్‌ కొనివ్వాలని భావించిన విజయ, దాని ధర రూ.50 వేలకు పైగా ఉంటుందని తెలుసుకుంది.