పతక రేసులో భారత్‌

ఆసియా క్రీడల మహిళల స్కీట్‌ టీమ్‌ ఈవెంట్‌లో భారత్‌ తొలి రోజు మూడో స్థానంలో నిలిచి కాంస్య పతక రేసులో ఉంది. రైజా ధిల్లాన్‌, మహేశ్వరి చౌహాన్‌, పరినాజ్‌ ధాలీవాల్‌ రెండు రౌండ్లలో 132 పాయింట్లు సాధించారు. రైజా 46 పాయింట్లతో 9వ స్థానంలో, పరినాజ్‌ 44తో 14వ స్థానంలో, మహేశ్వరి 42తో 16వ స్థానంలో ఉన్నారు. పురుషుల జట్టు 136 పాయింట్లతో ఆరో స్థానంలో నిలిచింది. మరో రెండు రోజుల పోటీ మిగిలి ఉంది.