రామప్ప కాలువలకు నీటి సరఫరా నిలిపివేత

వెంకటాపూర్‌ మండలం పాలంపేటలోని రామప్ప సరస్సు పంట కాలువలకు అధికారులు ఐదు రోజుల క్రితం నీటి సరఫరా నిలిపివేశారు. ప్రస్తుతం వరి పంట ఈనె దశలో ఉండటంతో నీరందక పంటలు ఎండిపోయే ప్రమాదం ఉందని రైతులు ఆందోళన చెందుతున్నారు. ప్రజాప్రతినిధులు, అధికారులు స్పందించి మరో నెలరోజుల పాటు నిరంతరాయంగా నీటిని సరఫరా చేయాలని రైతులు కోరుతున్నారు.