కొండాపూర్‌ లో తాగు నీటి కష్టాలు

కరీంనగర్ జిల్లా చిగురుమామిడి మండలం కొండాపూర్‌లో తాగునీటి సమస్య తారాస్థాయికి చేరింది. వారం రోజులుగా నీరు రాకపోవడంతో తీవ్ర ఇబ్బందులు పడుతున్న మహిళలు, గ్రామస్తులు ఖాళీ బిందెలతో రోడ్డుపై బైఠాయించి ధర్నా నిర్వహించారు. సర్పంచ్, అధికారులు పట్టించుకోవడం లేదని ఆరోపించారు. అధికారులు తక్షణమే స్పందించి తాగునీటి సమస్యను పరిష్కరించాలని వారు డిమాండ్ చేశారు.