కార్మికుల తొలగింపుపై CITU ఆగ్రహం

ప్రొద్దుటూరు మున్సిపాలిటీలో తొమ్మిది మంది పారిశుద్ధ్య కార్మికులను అన్యాయంగా తొలగించారని సీఐటీయూ జిల్లా ప్రధాన కార్యదర్శి మనోహర్ విమర్శించారు. తొలగించిన వారిని తిరిగి విధుల్లోకి తీసుకోవాలని మంగళవారం మీడియా ద్వారా డిమాండ్ చేశారు. మున్సిపల్ హెల్త్ ఆఫీసర్ రమేశ్‌ను సస్పెండ్ చేసి, ఆయనపై వచ్చిన అవినీతి ఆరోపణలపై విచారణ జరపాలని కోరారు. డిమాండ్లు నెరవేర్చకపోతే ఆందోళన చేపడతామని హెచ్చరించారు.