విద్యానగర్‌లో రోడ్డు పనులకు శంకుస్థాపన

ఆమదాలవలస పురపాలక సంఘం 13వ వార్డు విద్యానగర్‌ వీధిలో రూ.9.25 లక్షలతో చేపట్టనున్న రోడ్డు నిర్మాణ పనులకు మాజీ మున్సిపల్‌ ఛైర్‌పర్సన్‌ తమ్మినేని గీత విద్యాసాగర్‌ సోమవారం శంకుస్థాపన చేశారు. మున్సిపాలిటీలోని ప్రతి వార్డులో మౌలిక వసతుల అభివృద్ధికి చర్యలు తీసుకుంటున్నామని ఆమె తెలిపారు. కార్యక్రమంలో స్థానిక నాయకులు, అధికారులు పాల్గొన్నారు.