చెట్టు కొమ్మ పడి గాయపడిన వ్యక్తికి పరిహారం

బెంగళూరులో చెట్టు కొమ్మ పడి గాయపడిన చందన్‌కు రూ.2.77 కోట్ల పరిహారం చెల్లించాలని కర్ణాటక హైకోర్టు ఆదేశించింది. 2024లో జరిగిన ప్రమాదంలో ఆయన వెన్నుపాము తీవ్రంగా దెబ్బతిని ట్రామాటిక్ పారాప్లీజియాకు గురయ్యారు. ప్రమాదంపై ముందే సమాచారం ఉన్నా చర్యలు తీసుకోలేదని కోర్టు పేర్కొంది. పరిహారంపై 6% వార్షిక వడ్డీతో 12 వారాల్లో చెల్లించాలని ఆదేశించింది. ప్రమాదకర చెట్ల తొలగింపునకు చర్యలు చేపట్టాలని సూచించింది.