అక్టోబర్‌ 5 నుంచి పంట నష్టం సర్వేలు

మహారాష్ట్రలో అక్టోబర్‌ 5 నుంచి పంట నష్టం సర్వేలు ప్రారంభిస్తామని ముఖ్యమంత్రి దేవేంద్ర ఫడ్నవీస్‌ తెలిపారు. ఇటీవల కురిసిన భారీ వర్షాలు, వరదలతో పంటలకు జరిగిన నష్టాన్ని అధికారులు పరిశీలించనున్నారు. పంట నష్టం వివరాలను సేకరించి తదుపరి చర్యలు చేపట్టనున్నట్లు ఫడ్నవీస్‌ వెల్లడించారు. నష్టపోయిన రైతులకు అవసరమైన సహాయం అందించేందుకు ప్రభుత్వం చర్యలు తీసుకుంటుందని తెలిపారు.