వాహనాల రిటెయిల్‌ అమ్మకాలు 23.8% డౌన్‌!

దేశంలో అక్టోబరులో వాహనాల రిటెయిల్‌ విక్రయాలు గతేడాదితో పోలిస్తే 23.8% తగ్గి 31.72 లక్షలకు పరిమితమయ్యాయి. గతేడాది దసరా, దీపావళి ఒకే నెలలో రావడంతో పాటు జీఎస్‌టీ తగ్గింపు ప్రభావంతో అమ్మకాలు 41.63 లక్షలకు చేరాయి. ఈసారి పండగలు నవంబరులో రావడంతో అక్టోబరులో విక్రయాలు తగ్గాయని ఫాడా తెలిపింది. మరోవైపు, అక్టోబరులో విద్యుత్‌ వాహనాల విక్రయాలు 45% పెరిగి 3.54 లక్షలకు చేరాయి.