రీసర్వే పనులను పరిశీలించిన సబ్ కలెక్టర్

సత్తుపల్లి మండలం సదాశివునిపాలెంలో శుక్రవారం కల్లూరు సబ్ కలెక్టర్ అజయ్ యాదవ్ భూముల రీసర్వే పనులను పరిశీలించారు. రైతులతో మాట్లాడి భూముల హద్దుల నిర్ధారణ, పారదర్శక భూ రికార్డుల రూపకల్పనలో రీసర్వే ప్రాధాన్యాన్ని వివరించారు. గ్రామంలో 1,163.16 ఎకరాలకు గాను ఇప్పటివరకు 300 ఎకరాల్లో సర్వే పూర్తయినట్లు అధికారులు తెలిపారు. మిగిలిన పనులను త్వరగా పూర్తి చేయాలని సబ్ కలెక్టర్ ఆదేశించారు.