రైల్వే ఇనుము పరికరాలు వృథా.. ఆదాయానికి గండి?

దక్షిణ మధ్య రైల్వే కాజీపేట డివిజన్ పరిధిలో నిర్వహణ పనులకు ఉపయోగించే ఇనుము పరికరాలు వృథాగా మారుతున్నాయి. రైల్వే లైన్ల మరమ్మతులు, కొత్త నిర్మాణాల్లో తొలగించిన పట్టాలు, విడిభాగాలను పలుచోట్ల ఏళ్ల తరబడి వదిలేస్తున్నారు. కొన్ని చోరీలకు గురవుతుండగా, మరికొన్ని భూగర్భంలో కలిసిపోతున్నాయి. వీటిని సేకరించి స్క్రాప్‌గా విక్రయిస్తే కోట్ల రూపాయల ఆదాయం వచ్చే అవకాశం ఉంది.