పాఠశాల పైకప్పు కూలి 29 మంది మృతి

పాకిస్థాన్‌లోని పెషావర్‌లో పాఠశాల పైకప్పు కూలి 28 మంది విద్యార్థులు, ఓ ఉపాధ్యాయురాలు మృతి చెందారు. గురువారం ఉదయం తరగతులు జరుగుతుండగా ఈ ప్రమాదం చోటుచేసుకుంది. మరో 40 మందికిపైగా గాయపడగా, మృతుల సంఖ్య పెరిగే అవకాశం ఉందని అధికారులు తెలిపారు. సమాచారం అందుకున్న సహాయక బృందాలు ఘటనా స్థలానికి చేరుకుని సహాయక చర్యలు చేపట్టాయి. ప్రమాదానికి సంబంధించి పాఠశాల యజమానిని పోలీసులు అరెస్టు చేశారు.