నీటి వృథాను అరికట్టాలి: ఎంపీడీవో

ఎల్‌నినో ప్రభావంతో రానున్న రోజుల్లో తాగునీటి ఎద్దడి, పశుగ్రాసం కొరత ఏర్పడే ప్రమాదం ఉందని బషీరాబాద్‌ ఎంపీడీవో సంపత్‌ అన్నారు. నీటి పొదుపుపై అవగాహన ర్యాలీ నిర్వహించి, వృథాగా కారుతున్న నల్లాలకు అధికారులే మూతలు బిగించారు. రైతులు బోర్ల కింద పచ్చిమేత సాగు చేయాలని, వర్షపు నీటిని ఇంకుడు గుంతల ద్వారా ఒడిసిపట్టాలని సూచించారు. కార్యక్రమంలో సర్పంచ్‌ వెంకటేష్‌, అధికారులు పాల్గొన్నారు.