నగునూరులో కోజాగిరి పౌర్ణమి ప్రత్యేక పూజలు

కరీంనగర్‌ నగునూరులోని శ్రీ దుర్గాభవానీ దేవాలయంలో కోజాగిరి పౌర్ణమి సందర్భంగా ఆదివారం రాత్రి ప్రత్యేక పూజలు నిర్వహించారు. అమ్మవారికి సహస్ర దీపాలంకరణ, పల్లకీ సేవ, ఉయ్యాల సేవలను భక్తిశ్రద్ధలతో నిర్వహించారు. దీపాల వెలుగులతో ఆలయం ఆధ్యాత్మిక శోభను సంతరించుకుంది. భక్తులు అమ్మవారిని దర్శించుకుని మొక్కులు చెల్లించుకున్నారు.