రూ. 10 నాణేలతో యాక్టివా కొన్న మంచిర్యాల వాసి

మంచిర్యాల జిల్లా లక్షెట్టిపేటకు చెందిన బి. రవి జోసెఫ్ మూడేళ్ల పాటు దాచిన రూ.10 నాణేలతో రూ.1.23 లక్షల విలువైన హోండా యాక్టివా స్కూటర్ కొనుగోలు చేశారు. 2023 అక్టోబర్ 10న ప్రారంభించిన పొదుపుతో తన కలను నిజం చేసుకున్నారు. స్థానిక జగదాంబ హోండా మోటార్స్ షోరూమ్ సిబ్బంది సుమారు రెండు గంటల పాటు నాణేలను లెక్కించి, మొత్తం ధ్రువీకరించారు. రవి జోసెఫ్ పట్టుదల, పొదుపు అలవాటును చూసి స్థానికులు అభినందిస్తున్నారు.