భారీ వర్షాల ఎఫెక్ట్.. పలు మండలాల్లో MPTC, ZPTC పోలింగ్ వాయిదా

రాష్ట్రవ్యాప్తంగా గురువారం జరగనున్న MPTC, ZPTC ఎన్నికలకు అధికారులు ఏర్పాట్లు చేశారు. అయితే భారీ వర్షాలు, వరదల కారణంగా గుంటూరు జిల్లాలోని పెదనందిపాడు, కాకుమాను, ఫిరంగిపురం మండలాల్లో పోలింగ్ నిలిపివేశారు. ఏలూరు జిల్లాలోని జీలుగుమిల్లి, బుట్టాయగూడెం, వేలేరుపాడు, పోలవరం మండలాల్లో ఎన్నికలను శుక్రవారానికి వాయిదా వేశారు. గుంటూరు జిల్లాలో కొత్త పోలింగ్ తేదీని త్వరలో ప్రకటిస్తామని కలెక్టర్ తెలిపారు.