మాళ్విక సోయా విత్తన కంపెనీపై కేసు నమోదు చేయాలి

ఆదిలాబాద్‌: తలమడుగు మండలం రుయ్యాడిలో మాళ్విక సోయా విత్తనం సాగు చేసి నష్టపోయిన రైతులకు న్యాయం చేయాలని బోథ్‌ ఎమ్మెల్యే అనిల్‌ జాదవ్‌ కోరారు. రైతులతో కలిసి ఎస్పీ అఖిల్‌ మహాజన్‌ను కలిసి వినతిపత్రం అందజేశారు. పంట నష్టంపై విచారణ జరిపి కంపెనీపై కేసు నమోదు చేసి కఠిన చర్యలు తీసుకోవాలని కోరారు. రైతులకు న్యాయం జరిగేలా చర్యలు చేపట్టాలని విజ్ఞప్తి చేశారు.