ధర్మవరంలో 11 నుంచి దసరా ఉత్సవాలు

ధర్మవరం మండలం గొట్లూరు-నాగలూరు మధ్య ఉన్న విజయదుర్గాదేవి ఆలయంలో ఈ నెల 11 నుంచి దసరా శరన్నవరాత్రి ఉత్సవాలు ప్రారంభం కానున్నాయి. ఉత్సవాల ఆహ్వాన పత్రికలను శుక్రవారం విడుదల చేశారు. 10 రోజుల పాటు అమ్మవారు వివిధ రూపాల్లో భక్తులకు దర్శనమివ్వనున్నారు. ప్రత్యేక పూజలు, అర్చనలు నిర్వహించనుండగా, భక్తులు పెద్ద సంఖ్యలో పాల్గొని ఉత్సవాలను విజయవంతం చేయాలని అర్చకులు కేశవులు స్వామి కోరారు.