భారీగా పెరిగిన బంగారం, వెండి ధరలు

దేశీయ బులియన్ మార్కెట్‌లో పసిడి, రజత ధరలు మళ్లీ పుంజుకున్నాయి. దిల్లీలో శుక్రవారం 10 గ్రాముల బంగారం రూ.1,900 పెరిగి రూ.1.54 లక్షలకు చేరగా, కిలో వెండి రూ.4,500 ఎగబాకి రూ.2.28 లక్షలకు చేరింది. అంతర్జాతీయ మార్కెట్‌లో డాలరు విలువ క్షీణించడం, పసిడికి డిమాండ్ పెరగడమే ఈ ధరల పెరుగుదలకు కారణమని విశ్లేషకులు తెలిపారు. రూపాయి మారకం విలువ పడిపోవడం కూడా దేశీయంగా ధరలపై ప్రభావం చూపుతోందని పేర్కొన్నారు.