వరుణయాగం తర్వాత పాలకొల్లులో భారీ వర్షం

పాలకొల్లు శ్రీ క్షీరారామలింగేశ్వరస్వామి దేవస్థానంలో వరుణయాగం అనంతరం భారీ వర్షం కురిసింది. మంగళవారం దేవదాయ శాఖ కమిషనర్ రామచంద్రమోహన్ ఆదేశాలతో పూజలు నిర్వహించినట్లు ఈవో రాపాక శ్రీనివాసరావు తెలిపారు. వేద పండితుల ఆధ్వర్యంలో వరుణజపం, జలాభిషేకాలు నిర్వహించారు. పూజల అనంతరం భారీ వర్షం కురవడం శుభపరిణామమని అర్చకులు పేర్కొన్నారు.