విజయనగరం మేయర్ పీఠంపై అవనాపు సోదరుల కన్ను

విజయనగరం మేయర్ పీఠంపై అవనాపు సోదరులు ఆసక్తి చూపుతున్నట్లు సమాచారం. టీడీపీ నుంచి అవనాపు విజయ్ భార్య భార్గవి, జనసేన నుంచి అవనాపు విక్రమ్ భార్య భావన పోటీకి సిద్ధమవుతున్నట్లు తెలుస్తోంది. ఇద్దరూ తమ పార్టీల నుంచి టికెట్ సాధించి మేయర్ పీఠం దక్కించుకునేందుకు ప్రయత్నిస్తున్నట్లు సమాచారం. గతంలో వీరి తండ్రి అవనాపు సూరిబాబు మున్సిపల్ ఛైర్మన్‌గా పనిచేశారు.