తమిళనాడులో భారీ వర్షాలు.. 14 మంది మృతి

ఈశాన్య రుతుపవనాల ప్రభావంతో తమిళనాడులో కురుస్తున్న భారీ వర్షాలకు పలు ఘటనల్లో 14 మంది మరణించినట్లు మంత్రి సెంగోట్టయ్యన్ తెలిపారు. కోయంబత్తూరు, నీలగిరి సహా పలు జిల్లాల్లో జనజీవనం స్తంభించింది. పంట పొలాలు నీటమునగగా, నీలగిరి జిల్లాలో 62 చోట్ల కొండచరియలు విరిగిపడ్డాయి. రాష్ట్రంలో నేటి నుంచి వర్షాలు తగ్గే అవకాశం ఉందని వాతావరణ శాఖ అంచనా వేసింది.