రాయికల్‌ స్కూళ్లలో కలెక్టర్‌ తనిఖీలు

రాయికల్ మండలంలోని మూడు పాఠశాలలను కలెక్టర్ బి.సత్యప్రసాద్ మంగళవారం తనిఖీ చేశారు. జగన్నాథ్‌పూర్ ట్రైబల్ వెల్ఫేర్ స్కూల్, ఒడ్డెలింగాపూర్ మినీ గురుకులం, ఉప్పుమడుగు కేజీబీవీలో విద్యార్థులకు అందుతున్న విద్య, వసతులను పరిశీలించారు. విద్యార్థులకు అందుతున్న సౌకర్యాలు, విద్యా వివరాలను అధికారులను అడిగి తెలుసుకున్నారు. కార్యక్రమంలో ఆర్డీవో మధు, డీఈఓ కె.రాము, తహశీల్దార్, ఎంపీడీవో, ఆర్‌ఐ తదితరులు పాల్గొన్నారు.