రాయదుర్గం టీడీపీ అభ్యర్థిగా హనుమంతు

రాయదుర్గం మున్సిపల్ ఛైర్మన్ టీడీపీ అభ్యర్థిగా టంకసాల హనుమంతు పేరు ఖరారైంది. గతంలో కౌన్సిలర్‌గా పనిచేసిన ఆయనకు చేనేత కార్పొరేషన్ డైరెక్టర్‌గా కూడా అనుభవం ఉంది. చేనేత కుర్ని సమాజానికి చెందిన హనుమంతు మొదటి నుంచి పార్టీలో క్రియాశీలకంగా ఉన్నారు. ఎమ్మెల్యేకు నమ్మకమైన అనుచరుడిగా ఉండటం ఆయనకు కలిసివచ్చిందని సమాచారం. పొరాళ్ల పురుషోత్తం, ప్రశాంతి పేర్లు పరిశీలనలో ఉన్నా చివరకు హనుమంతుకే టికెట్ దక్కింది.