నర్సాపూర్‌ ఆసుపత్రిలో వ్యాక్సిన్ల భద్రతపై ఆందోళన

నర్సాపూర్‌(జి) 30 పడకల ఆసుపత్రిలో కోల్డ్‌చైన్‌లో భద్రపరచాల్సిన విలువైన వ్యాక్సిన్‌ బాక్సులను గది వెలుపల ఉంచడంపై ఆందోళన వ్యక్తమవుతోంది. మూసి ఉన్న గది బయట మందులను వదిలేయడంపై సిబ్బంది నిర్లక్ష్యంపై స్థానికులు, రోగులు ఆగ్రహం వ్యక్తం చేస్తున్నారు. వ్యాక్సిన్ల భద్రతపై అధికారుల పర్యవేక్షణ లోపించిందని విమర్శలు వస్తున్నాయి. ఘటనకు బాధ్యులపై చర్యలు తీసుకోవాలని స్థానికులు, రోగులు డిమాండ్‌ చేస్తున్నారు.