జనగామలో ప్రకటన రుసుముల వసూలు

జనగామ మున్సిపాలిటీ పరిధిలో ఫ్లెక్సీలు, బ్యానర్ల ఏర్పాటుకు సంబంధించి ఇప్పటివరకు రూ.87 వేల ప్రకటన రుసుములు వసూలు చేసినట్లు కమిషనర్‌ రాజశేఖర్‌రెడ్డి తెలిపారు. ఫ్లెక్సీలు, బ్యానర్లు ఏర్పాటు చేసే వ్యక్తులు, సంస్థలు నిబంధనల ప్రకారం రుసుములు చెల్లించి అనుమతులు పొందాలని సూచించారు. పట్టణంలో ప్రకటనల నిర్వహణ క్రమబద్ధంగా జరిగేలా చర్యలు తీసుకోవాలని సిబ్బందిని ఆదేశించారు.