ఇందిరమ్మ టవర్స్ ఏడాదిలోగా పూర్తి చేస్తాం: పొంగులేటి

కుత్బుల్లాపూర్ గాజులరామారంలో ఇందిరమ్మ ఇండ్ల టవర్స్ నిర్మాణానికి మంత్రి పొంగులేటి శ్రీనివాసరెడ్డి భూమిపూజ చేశారు. తొలి విడతలో లక్కీ డ్రా ద్వారా ఎంపికైన 480 మంది లబ్ధిదారులకు ఇళ్ల పట్టాలు అందించారు. ఇందిరమ్మ టవర్స్‌ను ఏడాదిలోగా పూర్తి చేసి లబ్ధిదారులకు అందిస్తామని తెలిపారు. నెల ముందుగా పూర్తి చేస్తే రూ.45 లక్షలు, రెండు నెలల ముందుగా పూర్తి చేస్తే రూ.90 లక్షల ప్రోత్సాహకం ఇస్తామన్నారు.