గిరిజన బాలికల పాఠశాలలో కలెక్టర్‌ తనిఖీ

నర్మెట్ట మండల కేంద్రంలోని గిరిజన సంక్షేమ ఆశ్రమ బాలికల పాఠశాలను కలెక్టర్‌ సందీప్‌కుమార్‌ ఝా సోమవారం ఆకస్మికంగా తనిఖీ చేశారు. పాఠశాలలో వసతి, భోజనం, పారిశుద్ధ్య నిర్వహణను పరిశీలించారు. పరిసరాల్లో పేరుకుపోయిన చెత్తాచెదారం, పిచ్చిమొక్కలను వెంటనే తొలగించాలని అధికారులను ఆదేశించారు. తహసీల్దార్‌ వెంకట రామానుజచారి, ప్రధానోపాధ్యాయులు కిష్ట తదితరులు పాల్గొన్నారు.