దళిత యువకుడిపై దాడి దారుణం: బీజేపీ నాయకుడు

సుల్తానాబాద్‌లో దళిత యువకుడిపై జరిగిన దాడిని బీజేపీ రాష్ట్ర నాయకుడు గొట్టిముక్కుల సురేష్‌రెడ్డి తీవ్రంగా ఖండించారు. కరీంనగర్ ఆసుపత్రిలో చికిత్స పొందుతున్న బాధితుడిని ఆయన పరామర్శించి, వైద్యులతో మాట్లాడారు. నిందితులను వెంటనే అరెస్టు చేసి కఠినంగా శిక్షించాలని, బాధితుడికి మెరుగైన వైద్యంతో పాటు కుటుంబానికి రక్షణ కల్పించాలని ప్రభుత్వాన్ని డిమాండ్ చేశారు.