23 పట్టణాల్లో ఎన్నికలకు సుప్రీం గ్రీన్‌సిగ్నల్‌

ఆంధ్రప్రదేశ్‌లో గ్రామాల విలీనానికి సంబంధించిన కేసు తేలేవరకు 23 మున్సిపాలిటీలు,కార్పొరేషన్లు,నగర పంచాయతీల ఎన్నికలపై స్టే ఇవ్వలేమని సుప్రీంకోర్టు స్పష్టం చేసింది.దీంతో ఆయా పట్టణ స్థానిక సంస్థల్లో ఎన్నికలకు మార్గం సుగమమైంది. 2021లో వైకాపా ప్రభుత్వం చేపట్టిన గ్రామాల విలీనాన్ని సవాల్‌ చేస్తూ దాఖలైన పిటిషన్లపై రాష్ట్ర ప్రభుత్వానికి ధర్మాసనం నోటీసులిచ్చింది. తదుపరి విచారణను నవంబరు 17కు వాయిదా వేసింది.