విజయవాడలో రూ.30 లక్షల చిట్‌ఫండ్‌ మోసం

విజయవాడ సీతారాంపురంలో రూ.30 లక్షల చిట్‌ఫండ్‌ డబ్బులు చెల్లించకుండా మోసం చేశారంటూ ముగ్గురిపై ఫిర్యాదు నమోదైంది. విజయ్‌కుమార్‌, చాగర్ల గాయత్రి, రాంబాబుపై బాధితుడు దొనే శ్రీనివాసరావు సూర్యారావుపేట పోలీసులకు ఫిర్యాదు చేశారు. చిట్‌ డబ్బులు అడిగితే దుర్భాషలాడి, బెదిరించారని బాధితుడు ఆరోపించారు. తప్పుడు రశీదులు సృష్టించి మోసానికి పాల్పడ్డారని ఫిర్యాదులో పేర్కొన్నారు.