తాడిచర్లలో పింఛన్‌ వసూళ్ల ఆరోపణలు

మల్హర్‌ మండలం తాడిచర్లలో చేయూత పింఛన్‌ కోసం మధ్యవర్తులు ఒక్కో దరఖాస్తుదారుడి నుంచి రూ.1,500 నుంచి రూ.3,000 వరకు వసూలు చేస్తున్నారనే ఆరోపణలు ఉన్నాయి. దీంతో పేదలు, వృద్ధులు, వితంతువులు ఇబ్బందులు పడుతున్నారని స్థానికులు తెలిపారు. దివ్యాంగులు, ఒంటరి మహిళలపై కూడా ఈ భారం పడుతోందని ఆందోళన వ్యక్తం చేశారు. సంబంధిత అధికారులు స్పందించి, అక్రమ వసూళ్లకు అడ్డుకట్ట వేయాలని కోరారు.