ఐదు రోజులు ముందుగానే నైరుతి రుతుపవనాలు

నైరుతి రుతుపవనాలు ఈ ఏడాది మే 26నే కేరళను తాకే అవకాశం ఉందని భారత వాతావరణ శాఖ (ఐఎండీ) అంచనా వేసింది. సాధారణ షెడ్యూల్ ప్రకారం జూన్ 1న ప్రవేశించాల్సిన రుతుపవనాలు, ఈసారి ఐదు రోజులు ముందుగానే రానున్నాయి. కేరళలో ప్రవేశించిన అనంతరం ఇవి దేశంలోని ఇతర ప్రాంతాలకు ఉత్తర దిశగా విస్తరిస్తాయని వాతావరణ శాఖ అధికారులు వెల్లడించారు. ఈ ముందస్తు రాకతో దేశవ్యాప్తంగా సాగు పనులు వేగవంతం కానున్నాయి.