సియాన్ వంతెన వద్ద క్రేన్‌తో నిరసన

ముంబైలో నిర్మాణం పూర్తయిన సియాన్ వంతెనను ప్రారంభించకపోవడంపై స్థానికులు, కాంగ్రెస్ కార్యకర్తలు బుధవారం నిరసన చేపట్టారు. క్రేన్‌తో అక్కడికి చేరుకుని బారికేడ్లు తొలగించి వాహనాల రాకపోకలు ప్రారంభించేందుకు ప్రయత్నించగా పోలీసులు అడ్డుకున్నారు. అధికారిక ప్రారంభోత్సవం కోసం వంతెనను మూసి ఉంచారు. బీఎంసీ ప్రకటించిన నాలుగు గడువులు దాటినా వంతెన అందుబాటులోకి రాలేదు. అక్టోబర్ 15 గడువు కూడా నెరవేరలేదు.