రోడ్డా.. చెరువా?

కుండపోత వర్షాలకు టెక్కలి-మెళియాపుట్టి రోడ్డు జలమయమై చెరువును తలపించింది. భారీ వర్షాల కారణంగా రోడ్డు వరదనీటితో నిండిపోయింది. దీంతో వాహనదారులు వరదనీటిలోనే రాకపోకలు సాగించాల్సిన పరిస్థితి ఏర్పడింది. వరదనీటి ప్రవాహంతో సమీపంలోని పంట పొలాలు సైతం నీటిలో మునిగిపోయిన పరిస్థితి నెలకొంది. దీనిపై అధికారులు పరిశీలన చేయాలని స్థానికులు కోరుతున్నారు.